Energetika Nazirliyinin məlumatına görə, "Cahangirbəyli" Kiçik Su Elektrik Stansiyasında (KSES) cari ilin 1 sentyabr tarixinə qədər 24,65 milyon kVts elektrik enerjisi istehsal edilib.
2023-cü il sentyabrın 28-də “AzərEnerji” ASC tərəfindən Oxçuçayın Zəngilan rayonunun ərazisindən keçən hissəsində inşa edilən və ümumi gücü 10,5 MVt olan KSES hər biri 5,25 MVt gücündə olan 2 ədəd hidroaqreqatdan ibarətdir.
Qeyd edək ki, KSES-lər ekoloji cəhətdən təmiz elektrik enerjisi istehsal edən yaşıl enerji mənbəyi hesab olunur və enerji istehsalı zamanı atmosferə istixana effekti yaradan qazları atmayan elektrik enerjisi müəssisəsidir.
