Energetika naziri Pərviz Şahbazov Rumıniyalı həmkarı Sebastian-İoan Burdujanın dəvəti ilə bu ölkəyə səfər edib.
Renewables.az-a bu barədə Energetika Nazirliyindən məlumat verilib.
Nazir və rəhbərlik etdiyi nümayəndə heyəti 3 sentyabr tarixində paytaxt Buxarest şəhərində keçiriləcək “Azərbaycan Respublikası, Gürcüstan, Rumıniya və Macarıstan Hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında Saziş”in icrası məqsədilə dörd ölkə nazirlərinin 8-ci iclasında iştirak edəcək.
Xatırladaq ki, “Azərbaycan, Gürcüstan, Macarıstan və Rumıniya arasında yaşıl enerjinin inkişafı və ötürülməsi sahəsində strateji tərəfdaşlıq haqqında Saziş”in icrası məqsədilə nazirlərin 7-ci iclası Gürcüstanın paytaxtı Tbilisi şəhərində keçirilib.
