Türkiyənin enerji və təbii sərvətlər naziri Alparslan Bayraktar və Azərbaycanın energetika naziri Pərviz Şahbazov arasında onlayn formatda görüş keçirib.
Renewables xəbər verir ki, bunu türkiyəli nazir "X" hesabında yazıb.
Görüş zamanı iki ölkə arasında elektrik enerjisinin ötürülməsi imkanları, bu sahədə üçüncü ölkələrdə birgə həyata keçirilə biləcək layihələr, eləcə də regional enerji təhlükəsizliyinin gücləndirilməsinə xidmət edən əməkdaşlıq istiqamətləri ətrafında fikir mübadiləsi aparılıb.
Tərəflər Türkiyə ilə Azərbaycan arasında enerji sahəsində strateji tərəfdaşlığın elektrik enerjisi istiqamətində də daha dərin və strateji əməkdaşlıq çərçivəsində inkişaf etdirilməsinin vacibliyini vurğulayıb.
Azerbaycan Enerji Bakanı Sayın Parviz Şahbazov ve heyetiyle çevrimiçi bir görüşme gerçekleştirdik.
— Alparslan Bayraktar (@aBayraktar1) July 2, 2026
Görüşmemizde ülkelerimiz arasındaki elektrik iletim imkânlarını, bu alanda üçüncü ülkelerde geliştirilebilecek projeleri ve bölgesel enerji güvenliğini güçlendirecek iş birliği… pic.twitter.com/QJXLNE7uFK
