Azərbaycan və BƏƏ məişət tullantılarından enerji istehsalı sahəsində əməkdaşlıq edəcək
AZƏRBAYCAN
-
15.03.2022 18:49 (UTC+04:00)
Martın 15-də Bakıda keçirilən 230 MVt gücündə “Qaradağ” Günəş Elektrik Stansiyasının təməlqoyma mərasimi çərçivəsində “Masdar” şirkəti ilə anlaşma memorandumları imzalanıb.
Bu barədə "Berpaolunanenerji.az" Energetika Nazirliyinə istinadən xəbər verir.
Tədbir çərçivəsində, “Masdar” şirkəti ilə İqtisadiyyat Nazirliyi arasında bərk məişət tullantılarından enerji istehsalı sahəsində əməkdaşlıq üzrə Anlaşma Memorandumu imzalanıb.
Xatırladaq ki, investisiya dəyəri 225 milyon ABŞ dollarından çox olan 230 MVt gücündə “Qaradağ” Günəş Elektrik Stansiyası layihəsi üzrə əməkdaşlıq edilən “Masdar” şirkəti BƏƏ, Səudiyyə Ərəbistanı, İordaniya, Misir, Mərakeş, Böyük Britaniya, ABŞ, Avstraliya, Serbiya, Hindistan, İndoneziya, Özbəkistan və bir çox başqa ölkələr də daxil olmaqla 40-dan çox ölkədə fəaliyyət göstərir.
