Çinin külək turbini istehsalçısı Almaniyada müəssisə inşa edəcək

Çinin külək turbini istehsalçısı “Ming Yang Smart Energy” Almaniyada istehsal müəssisəsi inşa edəcək. "Berpaolunanenerji.az" "Bloomberg"ə istinadən xəbər verir ki, müəssisə ildə 1 000 MVt gücündə turbinlər istehsal edə biləcək. Şirkətin icraçı direktoru Ye Fan açıqlamasında, Almaniyanın cənubunda qurulacaq fabrikin inşa işlərinə 3 il ərzində başlanılacağını bildirib. Fabrik Çin şirkətinin Avropada quracağı ilk böyük təsisi olacaq. Qeyd edək ki, Çinin külək turbini istehsal edən şirkətləri qlobal bazarda 60 faizlik paya sahibdir.