bp şirkətinin Cəbrayıl rayonunda inşa etdiyi 240 MVt gücündə "Şəfəq" Günəş Elektrik Stansiyasının tikintisi zamanı 400-ə yaxın iş yeri yaradılacaq.
Bunu şirkətin Xəzər regionu üzrə vitse-prezidenti Bəxtiyar Aslanbəyli AzTV-yə müsahibəsində deyib.
Bildirilib ki, stansiyada quraşdırılacaq panellərin bir hissəsi artıq tikinti ərazisinə gətirilib. Stansiyanın tikintisi üzrə işlər qrafikə uyğun aparılır.
Layihəyə əsasən, tikinti işlərinin 2027-ci ilin ortalarına qədər davam edəcəyi planlaşdırılır.
İşlərin icrası zamanı yerli resurslardan istifadə maksimum həddə çatdırılacaq. Tikintinin pik dövründə 400-ə yaxın iş yeri yaradılacaq.
