Ermənistan qonşu ölkələrlə - İran və Gürcüstanla, uzunmüddətli perspektivdə isə Azərbaycanla enerji əməkdaşlığını inkişaf etdirmək niyyətindədir.
Renewables.az AZƏRTAC-a istinadla xəbər verir ki, bu barədə Metsamor Atom Elektrik Stansiyasının (AES) baş direktoru Eduard Martirosyan Moskvada keçirilən 9-cu "Rusiya Enerji Həftəsi" forumunda çıxış edərkən bildirib.
"Ermənistan qonşu ölkələr - İran və Gürcüstanla, perspektivdə isə Azərbaycanla enerji sahəsində əməkdaşlığı inkişaf etdirmək niyyətindədir", - Ermənistan mediası onun sözlərini sitat gətirir.
Qeyd edək ki, Moskvada Rusiya Enerji Həftəsi çərçivəsində keçirilən “3+3 platforması: Enerji əməkdaşlığı Cənubi Qafqazda sülh və təhlükəsizliyin dayağı kimi” dəyirmi masanın mövzuları elektrik enerjisi ticarətinin perspektivləri və region ölkələri arasında enerji strategiyalarının əlaqələndirilməsi olub.
Azərbaycan Dövlət Neft Şirkətinin (SOCAR) vitse-prezidenti Elşad Nəsirov etibarlı enerji təchizatı üçün mövcud boru kəmərlərindən səmərəli istifadənin və regional əməkdaşlığın genişləndirilməsinin vacibliyini vurğulayıb.
