Bu ilin birinci rübündə “Azərenerji” ASC üzrə 6 milyard 76,8 milyon kVts elektrik enerjisi istehsal edilib.
Energetika Nazirliyinin açıqladığı elektrik enerjisi göstəriciləri ilə bağlı operativ məlumatlara əsasən, bu da ötən ilin eyni dövrü ilə müqayisədə 308,2 milyon kVts və ya 4,8 % azdır.
“Azərenerji” tərəfindən istehsal edilən elektrik enerjisinin 5 milyard 558,6 milyon kVts-ı istilik elektrik stansiyalarında (-3,2 %), 508,1 milyon kVts-ı su elektrik stansiyalarında (-21,2 %) və 10,1 milyon kVts-ı günəş elektrik stansiyalarında (-26,8 %) qeydə alınıb.
