2016-ci ilin 10 avqust tarixində Azərbaycan Respublikasının Prezidenti cənab İlham Əliyevin iştirakı ilə “İsmayıllı-2” Kiçik Su Elektrik Stansiyasının (KSES) açılışı olub.
Energetika Nazirliyinin məlumatına görə, hər birinin gücü 527 kilovat olan üç hidroaqreqatdan ibarət stansiyanın ümumi gücü 1581 kilovatdır.
Stansiyada istismara verildiyi tarixdən 1 iyul tarixinədək ümumilikdə 30,6 milyon kVt. st elektrik enerjisi istehsal edilib.
Qeyd edək ki, kiçik su elektrik stansiyalarında ekoloji cəhətdən təmiz elektrik enerjisi istehsal olunur və ətraf mühitə istixana effekti yaradan qazlar atılmır.
