2026-cı ilin yanvar ayında Azərbaycanda 2 milyard 257 milyon kVts elektrik enerjisi istehsal edilib ki, bu da ötən ilin eyni dövrü ilə müqayisədə 3,8 % azdır.
Renewables.az Dövlət Statistika Komitəsinə istinadən xəbər verir ki, bunun 2 milyard 186,6 milyon kVts-ı əmtəəlik elektrik enerjisi olub ki, bu da ötən ilin eyni dövrü ilə müqayisədə 3,5 % azdır.
Elektrik enerjisi istehsalının 1 milyard 978,6 milyon kVts-ı istilik elektrik stansiyalarının (-2,5 %), 133,4 milyon kVts-ı su elektrik stansiyalarının (-38,5 %), 56,1 milyon kVts-ı külək elektrik stansiyalarının (+21,6 dəfə), 18,5 milyon kVts-ı günəş elektrik stansiyalarının (+15,6 %), 22,1 milyon kVts tullantıların yandırılmasından alınan elektrik enerjisi (+21,1 %) istehsalının payına düşüb.
